蟹仙海鮮私房.蒸氣石碢

地區 : 尖沙咀   |   類型 : 私房菜
地址 : 尖沙咀天文台圍2號環海大廈2期地舖
電話 : 90174949/91368969

連奪兩項大獎 #最人氣海鮮 #最人氣蒸氣火鍋

今日小編再次帶隊黎到尖沙咀天文臺圍,遠處已經被佢地門口嘅一隻巨型紅蟹所吸引,可能大家已經知道我要拜訪邊一間食店,當然就係「蟹仙」啦!今次黎嘅目的,係要親手頒發兩個獎項比「蟹仙海鮮直銷.蒸氣石碢」,以作讚揚及褒獎,分別係「2019港飲港食最人氣海鮮大獎」及「2019港飲港食最人氣蒸氣火鍋大獎」,恭喜「蟹仙」奪得雙料大獎!

稱呼「蟹仙」為海鮮專家,絕對係當之無愧,老闆係一位年資數十年嘅海鮮入口商人,對世界各地嘅野生海鮮品種,都暸如指掌,所以可以精心挑選一啲坊間難求,黎自世界各地嘅海鮮品種,每日新鮮空運到港供應比自己嘅蒸氣石碢店,務求將最新鮮同最刁鑽嘅野生海鮮,呈現喺香港人面前。另外,好多海鮮仲會標明原產地,令客人可以一邊品嚐,一邊從中增長對海產嘅認識。

除左各大電視台及傳媒已經介紹過「蟹仙」分別喺九龍城及新蒲崗嘅分店,當然仲有佢哋最新開張位於尖沙咀,面積達6000呎嘅旗艦店啦,以後想食「蟹仙」就更加方便啦。「蟹仙」一直供應多款海鮮套餐比各位食客選擇,而且價錢大眾化,食材又豐富!難怪2019年「蟹仙」成為港飲港食嘅大贏家,可謂實至名歸,衷心希望「蟹仙海鮮私房.蒸氣石碢」能夠繼續保持高水準嘅出品,繼續發掘唔同嘅刁鑽海產比大家繼續品嚐!

各位海鮮迷,如果想品嚐高質素嘅刁鑽海產,唔使我再多講啦,自己打電話去book位喇!

為慶祝勇奪港飲港食雙料大獎,原價$1498/位,現4折優惠價$599/位

帝王黃膏肉蟹/越南頂角膏蟹/罕有大黃奄蟹(三選一隻)
帝王黃膏肉蟹,蟹膏濃厚,肉質超鮮味。頂角膏蟹蟹膏像蛋黃一樣軟綿,同樣爆滿。大黃奄肉質相對細膩滑溜,豐富蟹汁,我3種都鍾意。

澳洲罕有琵琶龍蝦/澳洲野生青年龍蝦
本地市場比較罕見嘅琵琶龍蝦,外型有點特別,但原來好厚肉,用蒸形式,鮮味尤其突出,蝦膏甘香,大家一定要試一試!澳洲野生青年龍蝦,對香港識食嘅人黎講,「澳龍」當然有品質保證,事關肉質彈牙,蝦頭膏香,清蒸係永遠最夾的!

台灣九孔鮑魚/越南大虎蝦/紐西蘭刀貝蚌/深海龍躉片/日本大元貝/韓國慶南蠔/紐西蘭大青口
呢個野生海鮮拼盤,全部係即點、即開、即切。台灣九孔鮑魚夠大隻肥美,肉質煙煙韌韌又嫩滑,幾時都係大眾嘅首選。越南入口嘅大虎蝦蒸熟剝殼後,蝦肉顏色亮澤,入口爽脆,仲充滿蝦膏添,諗起都想再食過呢!刀貝蚌、大元貝、慶南蠔及大青口都係即叫即開殼的,完全無沙,超級肥美同鮮甜啊!至於深海龍躉,肉質幼嫩、魚油份重,小朋友都食得,深海魚當然係最鮮味啦!呢一個拼盤,簡直滿足晒小編嘅味蕾!


黑安格斯牛肉/濟州黑毛豬肉/星爺爆漿瀨尿牛丸/蟲草花雞件/ 蟹仙蝦蟹棗/芝心小籠包/豬骨濃汁貢丸
蟹仙嘅黑安格斯牛唔會太肥,肉味特別濃郁,食蒸氣石碢最好嘅配搭。另外韓國獨有嘅優質濟洲黑毛豬,肥瘦勻稱,肉質細嫩,完全無豬羶味,濟州豬肉出名果然係有原因!源出自電影嘅瀨尿牛丸,將瀨尿蝦肉釀入手打牛肉丸內,咬開真係會爆汁,提醒大家要慢慢咬開,唔好浪費每一滴肉汁呀!蟲草花有助安神,滋補五臟,常吃有益健康,員工把蟲草花雞件蒸得剛剛好,令雞肉保持嫩滑,十分細心,抵讚!主廚獨創嘅蟹仙蝦蟹棗,將新鮮蟹肉及蝦肉打成肉漿,逐粒手唧而成,每一粒都是師傅的心機,而且只有喺蟹仙先食得到!另一款豬骨濃汁貢丸,亦係每日由師傅手打而成,豬骨濃湯味嘅貢丸食落十分爽口,食完齒頰留香。


有機蔬菜籃
套餐仲包括左一份有機蔬菜籃,店長嚴選季節當造嘅時蔬,所以因應時間會有唔同,睇得出十分用心呢!

越南雪燕燉官燕
食海鮮食到飽飽後,點少得甜品作結尾呢?呢一款越南雪燕燉官燕,味道清甜,滋潤養顏,而且營養十足,男女老少都啱食!


衛生:
作為一間食店,環境要衛生,食野都要夠衛生!咁先可以防止交叉感染,病從口入呀!到底點解蟹仙可以向大家保證絕對衛生呢?因為蒸氣除左可以用黎煮野食外仲係一種最安全嘅消毒殺菌方法!用消毒藥水或洗潔精又會殘留化學物質,而且相信大家都好怕食到餐具上殘留嘅洗潔精味!

蒸氣嘅熱度比起滾水仲要高,水滾嘅時候都只去到最高100度,但水滾後先會出蒸氣,所以起碼可以形成120度高溫,絕對可以殲滅任何細菌!

為左令各位食得安心又放心,每次蟹仙都會係客人面前用蒸氣碢消毒所有餐具,完成後,再換一個新嘅碢去蒸海鮮。

而且每樣海鮮洗乾淨後再拎到客人面前即蒸,即食。

蟹仙嘅師傅都會帶住手套而且用乾淨嘅夾幫各位客人擺入蒸碢,實在係令人安心又服務周到呀!出面嘅酒樓或食店嘅小菜煮完之後仲要經人手拎出黎,整個過程令到細菌入侵嘅風險又高左!

有潔癖嘅朋友仔亦都唔需要擔心忘記用公筷食人口水尾嘅問題,因為蟹仙每款食材都係一人一份唔使爭!而且仲要係原份海鮮咁上呀!


健康:
今時今日,香港人越黎越注重健康,要健康首先要由飲食入手。

蒸氣石碢係一種健康烹調手法,純粹利用120度高溫蒸氣蒸熟海鮮,石碢底下嘅特製碢爐將蒸餾水超高速煲滾成蒸氣,蒸氣上升並將蒸碢上嘅海鮮蒸熟,120度高溫形成嘅蒸氣更能夠殺菌及無任何雜質。烹調過程中唔會用油,而且係絕不含任何味精又可以保留住海鮮最純粹嘅天然鮮味。

高溫蒸氣凝成嘅水分同海鮮嘅精華喺蒸煮過程中會滲透到底層粥底,粥底嘅白米香會透過蒸氣逼入海鮮裏,兩者嘅味道愈蒸愈鮮味,互相輝映!所以客人食完蒸熟嘅食材後,就可以品嘗到充滿鮮味米粥,絕唔會浪費任何一滴鮮味,既環保亦健康。



蟹仙海鮮私房.蒸氣石碢
地址:尖沙咀天文台圍2號環海大廈2期地舖
電話:90174949/91368969

蟹仙海鮮直銷.蒸氣石碢
地址:九龍新蒲崗仁愛街50號地舖
電話:25656118

蟹仙海鮮直銷.蒸氣石碢
地址:九龍城龍崗道2-4號地下
電話:23609718