瀛風

地區 : 屯門   |   類型 : 日本菜
地址 : 屯門良景市集 110 號舖
電話 : 2320 8550

外帶日式壽司首選!最人氣外帶壽司大獎@瀛風

藍田近來興起美食街,開到凌晨一點鐘,啱晒想食宵夜嘅朋友,又唔使再捱杯麵啦!主打日式野嘅瀛風,今次拎到我地嘅最佳外帶壽司大獎,除左品質有保證之外,係外賣方面同樣做得好出色,原因係佢地選用材料方面非常新鮮,每樣食物都係即叫即做,令到買到返屋企都吾有太大變化,價錢公道平民化,選擇多,材料十足,絕對係宵夜之選。所以拎到最佳外帶壽司大獎係實至名歸!

同樣身處於屯門店嘅瀛風,佢哋短短時間開到第2間分店,成績非常之好,皆因出品好!所以瀛風係外帶壽司絕對佔一席位!

上網一查,發現地點交通十分方便,由屯門站d出口轉積乘輕鐵到良景站只需要5分鐘同藍田站A出口行5分鐘就到,啱晒大家新界區同九龍區附近朋友仔,想買日式外帶,以後又多一個選擇喇。

極上刺身丼
身為「刺身控」嘅我,當然點咗哩一款極上刺身丼啦。由大大隻赤蝦、肥美三文魚、厚切鮮甜帶子、新鮮吞拿魚、日本壽司蛋及三文魚籽拼砌出嘅極上刺身丼,食材新鮮,難怪每日都大賣啦!

滑蛋豬扒飯
哩度一系列嘅丼飯賣相十分精美,而哩款「滑蛋豬扒飯」,滑蛋入口帶有濃
郁蛋香,食到一半時蛋仍然幼滑,滑蛋上鋪了大大塊吉烈炸豬排,香口無比,唔洗多講,將蛋汁撈入丼飯拌勻,睇見已經想食!

泡菜豚肉烏冬(微辣)
讚岐烏冬質素出名就應該人所共知,配上日本高質豚肉,辣辣地,非常有驚喜!

三色海鮮卷
哩款海鮮卷,外面包住一層薄薄黃豆紙,內裏餡料豐富,有肥美三文魚,新鮮吞拿魚粒以及油份豐富既油甘魚,面頭加上沙律醬以及脆卜卜嘅蟹籽,令人食指大動!

迷你加州卷
鍾意食加州卷嘅朋友要留意,依一款加州卷非常健康。材料包括牛油果、蟹柳、青瓜及紫菜,鐘意食熟食既朋友可以試吓!

炸軟殼蟹手卷
見到手卷系列包羅萬有,小編當然要試最愛嘅炸軟殼蟹手卷啦!軟殼蟹好香口粉又薄!再加秘制既沙律醬,入口非常夾,價錢公道,啱晒我哋哩種「軟殼蟹控」喇!


地址:屯門良景市集 110 號舖
電話:2320 8550
營業時間:11:30 - 00:30

地址:藍田啟田道 50 號啟田市場地下 1087 號舖
電話:2668 0678
營業時間:11:30 - 01:00