濟森車仔麵

地區 : 長沙灣   |   類型 : 車仔麵
地址 : 長沙灣兼善里41號C-D號舖
電話 : 51898779

營業時間: 08:30-19:30

濟森車仔麵 長沙灣隱世道地車仔麵
車仔麵是不少香港人在日常生活中不可或缺的美食之一,可是現時街上愈來愈多不同的車仔麵店,要在當中找到一所值得一試的車仔麵店,可就要花點心思了。位於長沙灣兼善里的「濟森車仔麵」就是一個不錯的選擇,更勇奪港飲港食「2019年度最人氣車仔麵大獎」。店內有多款店家秘製食材與新鮮配料任君選擇。當中最受一眾客人喜愛的,就是牛腩﹑豬腸和豬手這三款了。三款人氣配料不單全都是以新鮮食材製成,更是店家按照相傳二十多年的秘方烹煮至入味,味道獨特且能帶出食材原本的鮮香,絕對值得一試。另外店內的湯頭亦是店家每日以新鮮材料熬製而成的胡椒豬肚湯,品嚐完麵條與配料後,亦不妨細味一下湯頭。當然店內還有更多值得一試的車仔麵,這就有待各位親身到來一試了。

雜錦車仔麵
有雞翼、酸齋、蘿蔔、豬紅及時菜,雞翼滷得入味而肉嫩,每天選用新鮮蘿蔔,確是份外清甜無渣,豬紅夾起唔會散之餘,入左味好好食。

人氣車仔麵
有豬手、豆卜、釀茄瓜、酥炸鯪魚球及時菜。材料豐富,豬手炆煮夠火喉,充滿骨膠原,皮滑肉腍,南乳味很香。佢哋自己手打鯪魚肉,用來酥炸鯪魚球及釀茄瓜,魚鮮味十足,加埋豆卜吸收晒湯底精華,睇見已經好想食!

富貴車仔麵
材料有豬腸、煙鴨胸、蟹柳、冬菇、響鈴及時菜。先講豬腸,單看顏色已經知道滷得好夠時間,入口有咬口,唔會太腍,很有水準!煙鴨胸一向是惹味食材,薄薄地就唔會太咸,幾夾。蠔油冬菇亦同樣炆得夠腍,入晒味。蟹柳及響鈴均選擇大型食品供應商,有信心保證。

大拇指車仔麵
哩款啱晒食肉獸嘅大拇指車仔麵,有牛腩、咖哩魚蛋、煎魚餅、豬皮及時菜。出面的車仔麵店,好多用碎腩,哩度就唔同,牛腩一件件,五香味好正啊!咖哩魚蛋亦唔錯,咖哩味香而不辣。自家製煎魚餅,手打魚肉鮮味就一定有的,但最重要係煎得金黃,外香內軟,哩度做得到。小編童年最鍾意嘅豬皮,柱候醬味道很香,有心機炆煮係唔同的,抵讚!

炸雲吞
每天師傅都會親手做餡料包雲吞,即叫即炸,保證皮脆餡嫩,食車仔麵時叫一份食就最滿足喇!

炸魚蛋
已經好少見到仍然有食店肯花時間自己打魚肉,炸魚蛋,食落確是軟糯之中有彈性,很有魚鮮味,一般工場來貨完全無得比。

釀茄子
用自己打的魚肉來釀茄子,當然無得輸啦,炸茄子油溫低少少都唔得,茄子炸得香而唔會索晒油,小編食完一件已經忍唔住讚師傅呢!