Loving hut 愛家素食

地區 : 九龍灣   |   類型 : 素食
地址 : 九龍灣牛頭角道77號淘大商場二期地下G242-245號舖
電話 : 27511321

素食專家之選@最人氣素食大獎
冬季流感特別嚴重,加上武漢肺炎襲港,除咗戴口罩外,食得健康都係強身健體同增強免疫力嘅好方法。今次等小編大家介紹一間素食餐廳畀大家,齊齊做Go Green大軍!

餐廳已經有兩間分店,兩間都係開係九龍區,對於九龍區嘅街坊黎講誠意真係十足!

餐廳係全素食快餐店,所有菜式不含蛋、奶、蔥或蒜,供應各種類嘅素食菜式包括西式嘅糕餅、中式嘅叉燒飯、新加坡嘅叻沙等,醬汁都係自家製,而糕餅都係用堅果、堅果奶同原糖炮製。所有嘅大豆製品都係無基因改造,無味精,無防腐劑。當中主打菜式係有麻油猴頭菇蒸飯、愛家團圓盆菜、黑松露炒飯、黑椒漢堡包、玉燥拌上海麵同叉燒萬如飯套餐等等,簡直係包羅萬有,照顧到我地一班經常要食素嘅朋友仔,所以餐廳拎到最人氣素食大獎簡直係當之無愧!

麻油猴頭菇蒸飯:份量超足,西蘭花烚得岩岩好,猴頭菇、秀珍菇同雲耳好入味,麻油味超香,岩哂鐘意食菇嘅朋友!

愛家團圓盆菜:盆菜有素肉、素蝦、素海參同素菜為主,每一個部分都做得相當仔細,彷似真肉一樣,而且味道方面,每樣都好入味,岩哂一大班朋友買返屋企食!

黑松露炒飯:入面有素蝦、蘿蔔粒同菇等等。飯炒得粒粒分明,黑松露帶起個飯香,入口每一啖都黑松露味,簡直係人間美食!

黑椒漢堡包:入面有一大塊素肉夾住生菜同酸青瓜食口感一流,所有味道放係一齊,真係好惹味,cp值極高!

素玉燥拌上海麵:素玉燥與菇炒埋一齊再配合爽口彈牙上海麵一齊,味道好夾,玉燥又好夠味道!

叉燒萬如飯套餐:叉燒由非基改的大豆蛋白、小麥蛋白、小麥纖維結合為天然又營養的純植物蛋白整成,外層染左紅麴,外觀同真嘅叉燒相差無幾,口感亦非常相似齋叉燒微甜,唔會好膩,素鰻魚食落又係好真嘅一樣,味道濃郁,非常好味仲配有大量炒菜同一大碗糙米飯。

武漢肺炎襲港期間, 兩間店隨餐附有防疫茶一杯!


地址: 九龍灣牛頭角道77號淘大商場二期地下G242-245號舖
電話: 27511321
營業時間:11:30 - 22:00; 逢星期日: 11:30 – 21:00

地址: 新蒲崗爵祿街33號 PORT 33,1樓103A舖
電話: 27970001
營業時間:08:30 - 18:30
星期日和公眾假期休息