粥如意粥粉麵湯飯餐廳

地區 : 元朗   |   類型 : 粥品
地址 : 元朗安寧路21-35號鴻運樓地舖
電話 :

聯絡電話:3689 5797/9589 5931(Whatapps)
營業時間:06:30 - 23:30

住家湯飯誠意十粥小品盡在粥如意@最人氣粥品大獎

近年來年輕新一代都比較注重健康,當中多好人會忽視左粥嘅療效同養生,自古以來,人就認為粥有良好嘅養生之效。《普濟方》中提到:「米雖一物,造粥多般,治粥為生命之源,飲膳可代藥之半。」食粥有如此功效,難怪受到一大班男女老幼歡迎!

呢間喺元朗安寧路嘅粥舖,出晒名食生滾粥。每碗都係熱辣辣煲好拎出嚟,豆腐嘴嘅朋友成日都要攤一攤先食到。呢度嘅粥煲得好綿,例如有 : 招牌魚鮫肉丸粥、魚鮫雞粥及魚骨芥菜鹹蛋粥等等。都係非常出色!仲落埋秘製調味同薑絲等,吊一吊味,令碗粥更鮮味可口。佢地既湯飯同樣地出色。包括主打有 : 滑牛豆腐蕃茄鯇魚湯飯、魚鮫芥菜豆腐湯飯、魚尾魚鮫豆腐芥菜湯飯及魚腩肉丸滑雞才心湯飯 。每樣湯飯都係以蔬菜,魚同肉去做,非常之有營養,岩哂一班營養而健康嘅人去品嚐,另外佢仲有自家制羅白糕同咸肉粽,都非常受歡迎!難怪粥如意拎到最人氣粥品大獎,簡直係實之名歸!

魚腩雞
雞肉同魚腩 都非常香滑, 魚腩入口 嘅鮮味直達味蕾,雞肉同樣出色,CP值高!

魚鮫芥菜豆腐湯飯
依個飯清清地,魚鮫鮮甜嫩滑,加埋軟滑既豆腐,自家熬既湯底食落好有家的味道,份量十足,食完真係好飽肚!

手打肉丸粥
呢到既手打肉丸粥亦都係一大特色,佢地既肉丸係老闆娘親自調製,佢哋將新鮮豬肉攪碎,加上獨門配方同手勢,將豬肉造到一粒粒爽滑彈牙既肉丸。

魚鮫雞粥
個雞粥入口好綿,雞肉又夠滑,食落啖啖肉,加埋有新鮮既魚鮫吊一吊味,令成碗粥更加鮮甜,而且唔需要落任何調味料已經好夠味。價錢又親民,想唔返轉到都唔得啦!

魚骨芥菜鹹蛋粥
呢個粥好適合食得清淡既人,芥菜再加入魚骨去煲,食落個芥菜唔會好苦,加埋大大隻嘅鹹蛋,帶出左成碗粥既味道,無得輸!

滑牛豆腐蕃茄鯇魚湯飯
非常大碗足料嘅湯飯!佢哋唔同泡飯,個飯係另外上嘅,可以隨住自己想要嘅飯量去食!湯料份量夠多,足以兩人享用,而湯本身清清地,無任何味精味,讚!滑牛同豆腐都好滑,再配蕃茄鯇魚,鮮到一個點,開胃又岩食!

魚腩肉丸滑雞菜心湯飯:魚腩同肉丸結合係雞湯入面,簡直出神入化,食落有陣陣雞湯味,再配合魚腩同肉丸已無得再輸!

魚腩魚尾豆腐芥菜湯飯:魚尾魚腩再加豆腐,令到依個湯飯增加左好多色彩,兩者好夾!

咸肉粽:內裏有大大隻鹹蛋黃,有黃油㗎!正呀喂!仲有綠豆蓉,半肥瘦鹹肉等,啲豬油漏哂出黎好甘香,糯米又綿又軟嫩,口感超好,忍不住一口接一口的。

自家制蘿蔔糕:每日新鮮自家制,售完即此。值得一提嘅係個蘿蔔糕超多蘿蔔,加上蝦米、臘肉、臘腸,令成個蘿蔔糕更香更美味!