港心甜品

地區 : 紅磡   |   類型 : 甜品
地址 : 紅磡蕪湖街111號蕪湖居地下C2號舖
電話 : 55111561

營業時間: 星期一至星期日13:00-01:00

甜品與健康結合的實體店
#最人氣甜品 大奬
#椰皇甜品專門店

小編同好多女士一樣,天生有兩個胃的,小的胃用來食正餐,大的胃當然用來食甜品啦。食甜品唔健康?錯了!只要食得精明,一樣可以食極唔肥的。

以少甜、低糖、健康、無添加為主題的甜品店,不知道大家認識幾多間呢?小編以下要推介比大家的一間,便是「2019港飲港食最人氣甜品大獎」得主「港心甜品」。除了以健康、低糖概念來做甜品之外,獨家自創的甜品款式, 主打多款以新鮮材料製成的椰皇甜品,當中店內的招牌之選就是「無糖椰皇膠原三寶」﹑「椰皇芋圓」﹑「椰皇芝麻湯丸」與「貓山皇榴槤湯丸」四款,加上即叫即整這個賣點,難怪店舖每天都客似雲來,座無虛席。除了小編推介當日品嚐過的款式以外,店舖內還有林林總總的即製甜品,大家想親身試的話,就有待各位去尋寶了!

芒果糯米糍
即叫即整的糯米糍現在已經好少,咬開Q彈煙韌的外皮,入面嘅新鮮芒果蓉已經滿到瀉出,好有滿足感啊!

榴連飄香椰皇水晶
原隻椰皇內盛滿由椰皇水製成的西米露,再釀入貓山王榴槤,每一啖椰皇水晶都充滿香濃的榴槤肉,食完簡直齒頰留香。

椰皇鮮奶燉蛋白
用原隻椰皇燉蛋白,非常滋潤皮膚,裏面仲有坊間好少見到的榴槤湯圓,一口咬開,榴槤肉滿口都是,成盅椰皇香氣四溢,好正!

無糖椰皇牛奶膠原三寶
標榜無糖的健康甜品,用原隻椰皇加入桃膠、雪燕及雪蓮一齊清燉牛奶,一聽已經知道充滿膠質及營養,愛美的女士一定要試下喇!

無糖桃膠鮮奶蛋白
同樣是無糖系列的甜品,在傳統鮮奶燉蛋白內加入埋桃膠,味道很夾檔,雖然無糖,但完全唔覺得淡,很適合少甜文化的一眾。

九份芋圓仙草凍
台式甜品點少得芋圓呢?!由自家制每日新鮮手工芋圓、紅豆、花生、滑溜溜嘅仙草等等併合,集軟糯及脆口於一身,非常豐富的口感!

心太軟
同樣是即叫即整的心太軟,用匙羹切開,熱騰騰的朱古力如岩漿爆發一樣,大家吃時小心燙嘴啊。另配上自由選擇味道的雪糕球,一熱一冷,再加埋焦糖布丁,令小編的味蕾充滿刺激感!

超多芒刨冰
成碗都是名符其實超多芒果,配上芒果雪糕,淋上自家製的鳳梨汁,酸酸甜甜,好夾呀!