喜點餐廳

地區 : 元朗   |   類型 : 港式
地址 : 元朗泰利街1-29號大興大廈地下G號舖
電話 : 34622004

*逢星期日休息

元朗區人煙稠密,食肆不勝枚舉,出名係吃貨的天下,唔講要搵邊間老字號的酒樓,或搵哪一條圍村的盆菜咁複雜,想簡簡單單食間茶記作為午餐或晚餐,已經令一班選擇困難症的元朗人為之煩惱。

各位元朗人,唔想諗都唔一定要夾硬食連鎖店或牛丸了,就等小編介紹一間開業幾個月的喜點餐廳比大家啦,佢哋獨創嘅岩漿蛋系列、肉燥系列及咖哩系列,選擇眾多,另設多款早餐,早上7時開始為街坊服務,位置就在泰利街,鄰近投注站,十分方便。

此店夜晚也有包場服務 ,平均一個月都有兩三個包場夜晚食飯,只須$2800起就會有七至八個菜,廚師會做類似酒樓嘅菜式,食客們可以一圍枱咁訂,很適合家庭式或公司圍餐呢!此外,也提供中學小學到會及小型公司聚餐服務,果然細心周到!

店面裝修頗有特色,全店餐牌都是老闆手寫,因喜歡貓的關係,故店內很多貓的圖案,另外,最特別的是老闆十分着重菜色的味道,所以每一碟食品都是老闆親手下廚的,要吃到如此有心的一人廚師老闆手勢,即使等也值得!單憑這點,小編就認為值得一試!

黯然銷魂岩漿叉燒飯
推滑蛋易學難精的,哩度嘅主廚控制火力出色,先做到岩漿蛋的效果,入口好香蛋味,蛋特別滑,叉燒新鮮,灑上少少蔥花,作為一個簡約午餐,食米線之外大家又多一個選擇了。

喜點秘製咖哩 配吉列豬扒/雞翼/香茅豬扒
哩度嘅招牌咖哩,由廚師秘製的咖哩汁,辣度適中,怕辣或小朋友都可以食到。吉列豬扒厚切,外皮香脆,肉汁juicy。雞翼半煎炸,皮香肉嫩,有3隻。香芧豬扒,醃得入味,煎得金黃,配邊一款都不相上下。

岩漿火山飯
哩款店長自創的岩漿火山飯,先將推好的岩漿滑蛋蓋上飯面,然後淋上自家制的台式肉燥,辣度適中,亦可就食客喜好再加辣,味道十分之夾!

秘製咖哩焗豬扒飯
哩度除了咖哩汁飯,還有咖哩焗飯,適合喜歡香濃口味的人,表面芝士焗得幾香,豬扒夠厚,啖啖香濃咖哩味,見到已經流口水。

鮮茄豬扒飯
主廚將豬扒啪得好鬆身,醃得入味,最重要煎得外香內嫩,配一個秘制鮮茄汁,又多了一種選擇。

桔仔冰
自家制桔仔冰,在元朗近乎獨市的,桔仔出產自馬來西亞,在元朗絕不容易找到桔仔冰,侍應送來時令我很有驚喜,顏色醒神,入口酸酸甜甜,最緊要夠凍先好味啊!

台式肉燥香草雞扒飯
喜點自家制台式肉燥,肥瘦勻稱,就咁撈飯,小編已經可以食兩碗,再加上煎得金黃嘅雞扒,下次一定要encore!

咖哩酥炸香草雞翼飯
酥炸香草雞翼,幾時都是小編嘅至愛,配上咖哩飯,滿足又飽肚呢!

喜點一人雞煲 (可以預訂)
哩度仲有一人雞煲嘆㗎,每天限量提供,雞件估唔到煮得咁滑,香料及洋蔥味道配上獨家醬汁,令到個煲仔香氣四溢,超惹味,一個人都可以享受雞煲,適合單身人士及隨時想吃就吃,正!