馬姐重慶麻辣燙

地區 : 西灣河   |   類型 : 四川菜
地址 : 西灣河太康街1號地下
電話 : 25567567

麻辣燙界的一姐
今日,終於撰筆自己常常都光顧的一間食店,哩間店位置鄰近裕民坊,面積不大但五臟俱全,身處一條小斜路,每次經過門口總聞到令人垂涎三尺的麻辣香氣,而且經常座無虛席。
小編得知哩間食店被選為2019港飲港食「最人氣重慶菜大獎」得主時,心情份外高興,除了有親切感外,更難得原來咁多人都同樣喜歡哩間食店,恭喜「馬姐重慶麻辣燙」!

熗炒土豆絲
離遠已經聞到香噴噴的花椒香氣,土豆絲經過大火爆炒,保留了清爽口感,麻麻辣辣,非常開胃,作為佐酒小食,一流!

自製牛肉麵
老闆娘秘製的重慶牛肉麵,湯頭帶有獨特的古典風味,牛肉滷得很腍,集合麻、香、鮮一身,令小編的味蕾得到滿足的刺激感。

涼拌豬大腸
自製涼拌系列有很多款式,哩一款涼拌豬大腸,肥瘦適中,煮大腸少一點心機都唔得,太韌咬唔爛,太腍就無口感,哩間店的大腸煮得啱啱好,既有口感又夠豬腸味,大家來到一定要試!

重慶麻辣燙
重慶麻辣燙,湯底由十幾種香料配合豬骨熬製,每一啖都飲到主廚的心機。數十款配料可供選擇,最抵讚係有豬什供應,而麵食方面亦有8款選擇咁多,顧客自行用筆挑選,每款十元八塊,抵食又好味!

韮菜/白菜 豬肉餃
哩度仲有自家手包豬肉餃,有韮菜同白菜選擇,豬肉餃一咬開 ,滲出鮮味肉汁,韮菜餃香,白菜餃清甜,餃皮夠滑,唔覺唔覺就食晒成碟。

紅油炒手
四川名菜點少得紅油炒手呢?每日手包新鮮雲吞,皮薄餡靚,老闆自製的紅油,麻辣中帶出醋香、令小編一試便愛上!


馬姐重慶麻辣燙
地址:西灣河太康街1號地下
聯絡電話:25567567
營業時間:11:30-00:00

觀塘分店
地址:觀塘通明街7號地下(7-11隔離)
聯絡電話: 2494 7588
營業時間:12:00-02:30