Burgerism

地區 : 紅磡   |   類型 : 西式
地址 : 紅磡必嘉街103-105號寶石戲院大廈地下L舖
電話 : 2492 1713 / 5543 0254

營業時間: 12:00 - 23:45

Burgerism  香港稀少的熟成牛扒扒房
可以得到入圍獎,必定有特別嘅地方,位於紅磡必嘉街呢間小餐廳,主打牛扒紅酒,其中得獎嘅呢款21日乾式熟成帶骨肉眼,就係其中特別嘅菜式,一件約1千克重嘅帶骨肉眼,經過風乾21日後,肉質特別細嫩,廚師放塊扒在扒爐上煎至約5成熟,再切開一件件上碟,食客每品嚐一件牛肉,都會試到熟成牛扒的獨特地方,再配上一杯智利紅酒,肉和酒的配搭,更令牛肉味發揮到淋漓盡致,難怪可以得到入圍獎。

餐廳另外一款牛扒菜式,就是鵝肝配頂級牛柳。廚師把煎到半熟嘅鵝肝放在牛柳上,眼見鵝肝上的油慢慢流落到牛柳上,真係見到都想食,客人可以先切開鵝肝片,細口細口地品嚐鵝肝嘅甘香,然後再慢慢切開牛柳,一件件咀嚼,可以話「太滿足」了。不可不提,放在碟上的伴碟配汁,是廚師用上不同材料,再花上數小時嘅心血才制造出來的獨有自家秘制燒汁,蘸上少少這個燒汁在牛柳上,食落真的與別不同,令人食過難忘。

最後要講嘅,當然係漢堡包,餐廳名字叫 Burgerism ,漢堡就係主角之一,不過,呢間餐廳嘅漢堡包特式係可以讓客人自選不同配料放入漢堡包,例如客人可先選一個龍蝦漢堡包,再點選煙肉,鵝肝和醬汁,配搭出一個自己喜歡的口味,真係別出心裁。