喜咖哩

地區 : 屯門   |   類型 : 日本菜
地址 : 屯門青翠徑7號金邦大廈地下1號舖
電話 : 3596 3708

營業時間: 12:00-21:30

親民印港咖喱專門店
今朝早入咗屯門做嘢,12點左右又是要出動搵野食嘅時間,上網搜尋左一間位於青翠徑,主打做咖哩同蕃茄湯嘅店舖-喜咖哩。自細就是拉麵痴的我,諗都唔諗就行過去睇睇先。店舖裝修簡約,見到有一排一人座位,適合獨家村人士自成一閣,而四人枱嘅座位尚算闊落,坐得舒適,一大班朋友來聚餐都是不錯的選擇。哩度嘅主題咖哩,係將傳統印度咖哩結合咗港式口味調,所以唔會太辣,仲有蕃茄湯,每日用新鮮蕃茄餚制,絕無茄膏夠晒足料,今次小編就點左幾款店長推薦嘅食物試下先!一試就愛上,更誠邀喜咖哩接受2019港飲港食《2019必試最佳美食》專題報導,今次大家真有口福啦。

咖哩牛肋肉飯
舖頭以咖哩為名,當然要一試佢地主打咖哩牛助肉飯,試左咖哩汁先,小編怕辣但都食得,味道帶香濃,汁底濃得來夠幼滑。試埋牛肋肉,小編知道要炆得夠時間先可以做到咁淋身,哩度嘅咖哩的確係做到出色!再同主廚傾談,佢地嘅咖哩香料,全部都係使用印度香料,再用洋蔥,蒜頭,干蔥,莞茜,薑,打磨成蓉,再花二小時炒,而制成咖哩膽,真係用心制作,吾怪得咁好味

豉油王雞翼糖心蛋蕃茄湯拉麵
哩度嘅豉油王雞翼做得非常唔錯,因為是以自家調製甜豉油醃配,鹵得夠入味之餘,肉質仍然可以保持彈性,而糖心蛋嘅蛋黃味十分濃郁,配上咬口豐富彈性嘅拉麵,加多一啖每日用鮮蕃茄餚製嘅湯底,無得彈也!

豬頸肉溫泉蛋飯
侍應一端上枱,已經聞到好香醬油味,主廚自製嘅醬汁醃製,再用氣炸鍋炸的豬頸肉入口好香,肉質仍然juicy,喜歡食香口嘢,攪到我心思思,都想買部氣炸鍋返屋企用,小編我就最愛溫泉蛋撈飯,加埋甜醬油,岩晒我口味啊!

氣炸餃子
相信大家都聽過時下大熱嘅氣炸食品,小編第一次試,相比起傳統油炸嘅方法,用氣炸爐做的餃子,的確完全唔油膩,香脆情度一樣,好岩我地鐘意食香口野,同時又怕肥嘅一族喇。

椒鹽墨魚咀
墨魚咀唔係好多地方有得食,有緣分遇到,當然要試啦!一粒一口,墨魚咀外皮夠薄,咬開入面尤魚咀唔會硬崩崩,但又保持到有咬口,要讚一下主廚嘅功夫。