美食坊中菜皇

地區 : 深水埗   |   類型 : 港式
地址 : 深水埗深水埗青山道3-5號建新大廈地下D及E舖
電話 : 3705 8489

營業時間: 11:00-23:00

美食坊中菜皇
の明星飯堂
深水埗從來都係一個卧虎藏龍嘅美食天堂,可以話你諗得出嘅美食,哩度都可以搵到,尤其係中菜,更加係頂呱呱。今日小編介紹大家嘅中式餐廳,一間受明星歡迎的飯堂,做粵菜做到街知巷聞嘅美食坊中菜皇。郭老闆喺醫療飲食界都很有名氣,在屯門總店已創辦了十多年,得到各街坊及親朋戚友的鼎力支持,於三年前更獲得小儀及金剛主持的節目(街坊廚神),在廚房內進行拍攝。他們在屯門拍的特輯一直以來令到屯門區美食坊家傳戶曉,因為出品價錢公道,從此更將名稱改為美食坊中菜皇。秉承真材實料及價廉物美的宗旨提供私房級粵菜,以大眾化價錢給顧客,所以業務蒸蒸日上。很多非屯門居住的顧客及親朋戚友要長途拔涉來享用總店的佳餚美食。由於顧客眾多,決定於九龍深水埗嘉頓斜對面開設第二分店。同樣以私房級粵菜,大眾化價錢,提供超值美味的中菜佳餚。現除咗有班好有經驗同埋用心嘅廚師,還有堅持用最新鮮最好的食物及材料來烹調,值得讚煲湯、鹵水及煮餸,招呼客人飲用都係用康迪水所以咁好味,今次更入圍2019港飲港食《2019必試最佳美食》專題報導,小編預先打電話訂咗枱,所以一嚟到,不用等位便直進店內,已經見到好多明星留底嘅相片足跡,究竟點解美食坊可以喺深水埗突圍而出,座無虛席呢?就等小編分享一下哩度嘅菜色啦!

餐廳招呼客人飲用都係用康迪水!

火焰頭抽新鮮雞
入口首先感覺到一陣豉香味,然後會食到一陣薄薄酒香味嘅雞件味,整碟餸菜男女老幼都岩口味!

Fans蟹煲
入口蟹肉鮮味,粉絲爽身,帶有微香酒味,香氣撲鼻!佐酒一流。

炸杏片墨魚蝦棗
每件都是師傅人手落鑊炸至金黃彈牙,一定要試,小編試味,一入口食到脆口嘅杏仁片,然後立即咬到鮮味嘅墨魚膠,彈口十足,一定要試!

杏汁花膠白肺湯
原盅上桌夠足料,香氣撲鼻!第一啖入口,已經感受到花膠濃厚嘅味道,豬肺夠軟身,整盅燉湯好厚身,比夠10個讚好!

紅燒大龍躉尾翅
其實新鮮龍躉點煮都好味,清清地用高湯炆煮,就最能夠食到海魚嘅鮮甜味,龍躉肉質炆得岩岩夠火喉,又是一種大眾喜愛嘅食法。

冰鎮咕嚕肉
先將腩排拉油至8成熟備用。用洋蔥紅椒起獲,爆香後加入菠蘿,因為菠蘿水份重,必須耐性炒至有香味備用。少量油再起獲,將腩排爆炒一回,大火加入汁料兜混,必食推薦。哩一款菜色,是小編最愛,汁水餸飯一流!

香煎牛油檸檬游水方利
游水方利,非常難求。入口帶有濃烈新檸香氣,慢慢咀嚼後,煎香後的方利味道便衝出來,整個菜色都是清新唔膩,女孩子應該好喜歡了!

秘制牛肋骨
牛肋骨入口夠軟身,酸甜味道,男女老幼都鍾意點嘅一款家常餸菜,尤其係餸飯一流!

花膠響螺雲腿燉雞湯
一入口已經有家的感覺,最重點係無味精,花膠夠厚,響螺味夠出,一盅湯就是簡單得來夠真材實料。