新廣發四季火鍋

地區 : 粉嶺   |   類型 : 粵菜
地址 : 新界粉嶺聯和墟街市2樓CF7號鋪
電話 : 549887721

新廣發四季火鍋
地址:新界粉嶺聯和墟街市2樓CF7號鋪
聯絡電話: 549887721
營業時間:24小時

新廣發
地址:沙田博康邨大排檔124號舖﹑1112號舖
聯絡電話: 68005991
營業時間: 06:00-02:00


窮人福音! 新廣發任食火鍋一百蚊有找
香港生活出名一個「貴」字,想要食到餐又平又好食,最重要係食得飽,真係有啲難。不過喺新界地區,就有唔少出名「平!靚!正!」嘅餐廳,位於博康邨熟食中心入面嘅「新廣發」,就有提供幾十蚊任食火鍋,你冇睇錯我冇打錯,一個任食火鍋真係一百蚊就有找!可以選擇嘅食物唔單止同出面一樣咁多,可樂﹑雪碧﹑芬達等飲品都任你飲,仲每台人送多成碟新鮮靚蝦過你。打邊爐最為重點嘅牛肉,肥瘦均勻,肉味濃郁,一落爐即刻筷如雨下,手快有手慢冇。丸類選擇亦都唔少細路大人都鍾意嘅流心芝士丸、沙律魚籽丸、墨魚丸、八爪魚丸、貢丸、黑椒牛丸… …你講得出都有得食,總有一款係你想食嘅心水丸類。當然同朋友食飯最重要都係食氣氛,食物品質都可以話係其次,街市入面嘅氣氛最適合同班都死一齊打下邊爐,飲杯啤酒,人生最寫意嘅事,真係莫過於此。