藍閣 Blue’s Court

地區 : 屯門   |   類型 : 甜品
地址 : :新界屯門仁愛堂街6-40號蘭苑地下5號舖
電話 : 51318578 / 65758647

營業時間: 17:00-02:00

90後女生合力打造小清新甜品店!
中西合璧 即叫即製窩夫

邊個話九十後唔捱得苦!路經仁愛堂街,往往會被新張開業的藍閣Blue’s Court吸引目光,該店裝潢清新,以簡約藍白色為主調,琳琅滿目的中西式甜品及小食充滿驚喜。細問下發現Blue’s Court由Coolyi及Charming兩位90後女生合力經營,二人本身對製作甜品抱有濃厚興趣,經多番商討後萌生開設甜品店的念頭,決定小試牛刀:「主要係平時鍾意整甜品,先膽粗粗想開間舖,我哋見坊間唔少糖水舖標榜手工芋圓,所以都嘗試手製小丸子,希望客人食得出更加煙韌嘅口感。」甜品美食注入無限心思、水準不比大型連鎖食店遜色,精緻賣相更吸引不少客人「相機先食」。以為背後有龐大製作團隊?事實上Coolyi和Charming一手包辦挑選食材、製作過程、清掃及招待客人等環節,落手落腳打理店舖事務,實在令人對「九十後」另眼相看!提及Blue’s Court的熱賣之選,第一時間必然會想起人氣窩夫及超值小食拼盤,新鮮出爐的窩夫備有朱古力、士多啤梨及抹茶紅豆三款口味,過人之處在於夠脆口,一口咬下去還能感受到香軟內層的餘溫。至於豐盛小食拼盤則有薯格、薯餅、魷魚鬚及炸雞塊等選擇,當然要叫齊班Friend開心share啦!

士多啤梨窩夫
為呈獻最佳口感及溫度,窩夫一律為即叫即製,口感外脆內軟,香甜士多啤梨醬更是一大加分位,配合口味清新的荔枝雪糕球令人大感滿足。

藍閣西米露 (芋圓、小丸子、珍珠、雪糕)
聽見以店名命名,就知這款西米露與別不同,除了手製小丸子、芋圓及珍珠外,中間還放有大大球海鹽雪糕,極之足料抵食!

芒果汁
炎炎夏日必飲!以新鮮芒果即叫即榨,每口都清甜滋味,喝完一杯透心涼。

紫薯沙冰
紫薯迷絕不容錯過,紫薯近年人氣不減,居然還能用來製作沙冰,即使喝到最後一口味道都不會變淡。

小食拼盤
店主推介的人氣No.1抵食之選,客人能夠從燒賣、魚蛋、魷魚鬚、炸雞塊、薯條和薯格當中任選五款,炸物金黃香酥叫人口水直流,不妨試埋近期新推出的麵套餐!

南乳雞翼
南乳味道叫人難以抗拒,香氣滲透入香嫩肉質之中,一客五隻令人回味無窮。

抹茶心太軟加紅豆雪糕
冷熱雙重奏保證刺激味蕾,特濃抹茶香氣逼人,切開隨即湧出香醇濃漿,配上冰凍紅豆雪糕,食晒都覺得唔夠喉。