艷姐粉麵牛腩之家

地區 : 長沙灣   |   類型 : 粉麵
地址 : 長沙灣順寧道98號美寧中心A座地下1號舖
電話 : 9716 1806

營業時間: 18:00-06:00

靚湯小炒 真材實料羊腩煲
烹調牛腩的手法層出不窮,艷姐粉麵牛腩之家就以清湯牛腩作主打。供應多年的羊腩煲是鎮店之寶,每煲都落足材料炮製。老闆娘陳小姐透露自己是五邑人,憑藉家傳秘方炮製出多道備受街坊歡迎的菜式。食小炒梗係想飲靚湯去吓油膩感,各式炒小菜皆奉送例湯,而且絕無味精。店內的清湯腩固之然是一絕,而採用新鮮爽彈大蝦製作的雲吞亦毫不遜色。「有啲客人會叫我比多碗雲吞麵湯佢地,話好好飲,我唔收錢架!」人情味唔係間間食店都有,做開街坊生意嘅老闆娘最希望客人食得開心,認真抵讚!

味菜大豆芽炒豬大腸
豬大腸香口軟腍富油香,經醃製的味菜鹹酸帶香,令人更開胃。

清湯牛腩麵
牛腩肉質香嫩有咬口,艷姐出手非常闊綽,成個碗裝滿大片牛腩。

枝竹羊腩煲
暖笠笠羊腩煲被視為禦寒暖身的滋補食品,羊肉脂肪比例均勻,香濃不臊。

雲吞麵
個個都大讚夠爽彈,原來艷姐採用鮮蝦包製雲吞,皮薄透餡、鮮味十足。

豉椒炒蜆
以多種配料加上肥美靚蜆,充滿鑊氣,香氣四溢,淨食、佐酒佐飯皆宜,必食之選。