Prime Pho

地區 : 中環   |   類型 : 越南菜
地址 : 中環擺花街58號地下
電話 : 25622392

營業時間: 11:00-21:00

探尋越南「豐」味河粉 – Prime Pho
中環是金融行業的黃金地帶,不少白領族大嘆難以找到價廉物美的高水準食肆。大家未必識讀有河粉意思的「Pho」字,但精心炮製越南美食的Prime Pho就一定要識! Prime Pho以木啡色作裝潢主調,簡約又不失創意的招牌由筷子、湯碗及店名構成,給人留下深刻印象。早就聽聞餐廳的出品湯濃料多、價錢合理,大大碗「招牌Pho特別」上桌時更引來友人連串「嘩」聲。梗係啦!店內除了出售經典特級生牛肉河外,「招牌Pho特別」落足牛腩、牛根、牛柏葉、牛脷、牛丸、扎肉及蘿蔔等多款鮮味十足的優質食材,豐盛賣相已經加晒分,配合埋入口滑溜爽彈的河粉及香濃湯底,越南「豐」味實在令人回味無窮。喜歡撈檬的朋友必不能錯過火燒牛腩及炸雞翼呢對「撈檬孖寶」,火燒方式完美鎖緊肉汁,而外層香脆、肉質鮮嫩的炸雞翼及加入酸甜醬汁的撈檬更係令人食唔停口,非常開胃。擺碟精美的多士面層塗滿自家製雞肝醬,再淋上香甜蜜糖,口感豐富、極具層次感。飲多杯帶有地道風味的越南滴漏咖啡,讓你身處中環都可以舌尖上環遊越南。

招牌Pho特別 作為鎮店河粉,霸氣登場的招牌Pho特別簡直可以叫牛魔王,牛腩、牛根及牛脷軟嫩入味,爽口牛柏葉及牛丸亦值得大讚,整體嚟講抵食又飽肚。

特級生牛肉河 廚師將色澤鮮艷粉嫩的生牛肉鋪滿面層,經精心挑選的食材鮮味爆棚。

撈檬孖寶 (火燒牛腩、炸雞翼)
牛腩配撈檬竟然出乎意料地match,火燒處理juicy唔乾身,加埋香脆炸雞翼絕對係雙重味覺享受。

自家製雞肝醬蜜糖多士 廚師將雞肝醬塗滿多士,一啲都唔慳皮,入口甜絲絲的滋味令人難忘。

燒豬肉 Banh mi 極富油香的燒豬肉與麵包非常匹配,入口肥膩感不重,甚有飽足感。

越南滴漏咖啡 與坊間滴漏咖啡大致相同,但正宗越南咖啡卻有無可比擬的地道風味。