Little Mario’s Pizzeria

地區 : 觀塘   |   類型 : 意大利菜
地址 : 觀塘開源道60號駱駝漆大廈3座4樓U01室
電話 : 94589077

營業時間: 12:00-21:00 (20:45 last order) (tue off)

意式風情新發現 Little Mario’s Pizzeria
觀塘區外賣新選擇!人氣高企嘅Little Mario’s Pizzeria已經進駐觀塘開源道,新鮮自家製意大利薄餅選料上乘、價錢合理,近日更加入UberEATS,不論外賣到寫字樓或住宅都咁快捷方便,想安坐Office嘆意大利美食真係話都無咁易!店主Simon之所以萌生開店念頭,全因有感中西方餐飲文化大相逕庭,一碟碟上桌始終難及「坐埋一枱」分甘同味咁熱鬧,故特意將意式風味薄餅美食帶給香港人。

即叫即製 選料精細
Little Mario’s Pizzeria供應多款口味薄餅,香氣逼人的招牌松露薄餅及帕爾馬火腿薄餅選料精細、製作嚴謹,即叫即製保證上桌熱辣辣夠新鮮。糅合印度及意大利特色的印度香料烤雞內含青紅椒、洋葱、雞肉及香濃惹味的莫扎里拉芝士,餐廳更備有特意為素食者而設的Pizza,貼心抵讚。店內的意大利粉及輕盈沙律皆由廚師Andy傾力烹調、水準極高,價錢實惠又飽肚。此外,與友人歡聚時不妨品嚐一下Dead Man啤酒、意大利Fontana Candida (Frascati 2014) 白酒或Castello del Trebbio (Chianti 2013) 紅酒,美酒佳餚絕對是令人難忘的配搭!

多元化活體驗活動
Little Mario’s Pizzeria不時舉辦新奇活動,更曾於大型盛會中一口氣製作了300個Pizza!小朋友近日可於下午3-5時親臨店舖動手製作獨一無二的Pizza,各位家長記得帶埋屋企個小廚神參與喇!

Vegetable Pizza素食薄餅
素食者都可以食到香口Pizza!內含足料青紅椒、洋葱、香葉、蕃茄乾、橄欖及莫扎里拉芝士。

Chicken Tikka Pizza印度香料烤雞薄餅
意大利與印度風味Mix & Match,每啖烤雞都散發著香濃蕃茄及洋葱香氣。

Truffle Pizza松露薄餅
招牌松露薄餅上桌時香氣撲鼻,加入洋菇及德國芥菜令口感更豐富,白汁與莫扎里拉芝士的配搭融合。

Parma Ham Pizza帕爾馬火腿薄餅
成日聽人講帕爾馬火腿,呢款人氣薄餅加入莫扎里拉及巴馬臣兩款芝士,「滋」味濃郁!

Pesto 青醬
齊集清新與濃郁於一身的青醬散發特殊香氣,是意大利菜經典醬料。

Creamy Chicken Mushroom忌廉磨菇雞
店主及廚師精挑細選優質食材,意大利粉完全吸收了忌廉醬汁,切片蘑菇新鮮又香口。

Bolognese波隆那肉醬
必吃之選!廚藝經驗豐富的廚師將時間及火候控製得宜,意粉軟硬適中,波隆那肉醬夠惹味。

Pumpkin and Mixed Leaves Salad 香葉沙律配南瓜
凱撒沙律就食得多,輕盈清新的香葉沙律配南瓜亦是營養之選。