韓食

地區 : 太子   |   類型 : 韓國菜
地址 : 太子砵蘭街456號地下B舖
電話 : 6845 7699

營業時間: 12:00-23:00

韓流襲港!人氣爆棚抵食炸雞 – 韓食
邊個話累積捧場客一定要靠華麗裝潢?韓食嘅店舖門面不大、以外賣自取模式經營,客似雲來的背後全靠食物高水準!話明主打炸雞,深知「蘿蔔青菜,各有所愛」這個道理的唐老闆推出榴蓮及芝士味等啖啖肉嘅無骨炸雞、雞槌及雞中翼,更有原味、甜辣、蜂蜜芥末供食客挑選,款式繁多啱晒愛揀擇嘅香港人。萬萬沒想到這家小店出品的炸雞香酥可口、肉質嫩滑之餘,咀嚼時還富有肉汁,絕對是驚喜之作!店內供應泡菜腩肉飯、韓國冷麵及芝士年糕等多款滋美韓食,真材實料無花假的魚蛋拉麵及石鍋拌飯更是深得食客歡心。仔細一看不難發現韓食的魚蛋有橙紅及綠色,原來老闆特意採用釜山進口的魚蛋作拉麵配料,品質上乘難怪爽口彈牙!大家不妨試埋四季都啱食嘅海鮮豆腐煲,十種材料秘製而成的辣醬非常惹味,炎炎夏日令人胃口大開、寒冬則可暖胃!

小鍋米線
內含芽菜、惹味大腸及香葱等豐富配料,雖然並非米線專門店,但韓食的米線不易斷又夠滑,達標!

炸雞
韓食出品的炸雞皮脆肉香、鮮嫩多汁,每件都大大塊,驚唔夠飽肚更可選擇炸雞飯。

芝士蛋卷
即叫即製的蛋卷香味濃郁,內含份量頗多的芝士,面層淋有酸甜茄汁,整體味道非常匹配。

石鍋拌飯
熱辣辣嘅飯粒上鋪滿鮮甜芽菜、蘿蔔絲及嫩滑牛肉等食材,再加埋隻蛋真係睇見都垂涎欲滴。

魷魚鬚
炸至金黃香脆嘅魷魚鬚份量十足,入口時外層香脆、肉質爽彈,韓食果然絕無欺場。

魚蛋拉麵
魚蛋看似普通,實際上大有來頭,老闆特意選用從韓國進口的釜山魚蛋,夠晒正宗地道!

芝士年糕
每條煙韌年糕都被醬汁牢牢包圍,老闆落咗超級多芝士,一啲都唔慳皮,極具飽足感。